Visita da escritora Mónica Rodríguez aos alumnos de 3º de ESO

O pasado 10 de marzo recibimos en Monelos a visita de Mónica Rodríguez, autora do libro “Manzur o el ángel que tenía una sola ala”. Os alumnos de 3º de ESO leron esta obra no primeiro trimestre e agardaban con gran expectación a charla coa escritora xa que se trataba dun libro cheo de incógnitas e de significados profundos. Facíase, pois, necesario indagar nas claves da novela coa axuda da autora.

Mónica Rodríguez recoñeceu o influxo de certos autores no seu estilo, e concretamente da película “Amanece que no es poco” na que o surrealismo e o humor do absurdo están presentes. Así, en Manzur, o pobo e os seus habitantes posúen características que os fan extraordinarios e, en certa edida, irreais. O mundo das pantasmas, do inverosímil e maravilloso tamén está presente nesta novela.

A escritora transmitiulles aos alumnos a necesidade de ler para ser creativos e de correxir constantemente o escrito, perfeccionando o estilo e buscando a expresión exacta.

Actualmente Mónica Rodríguez adícase por completo o labor como escritora e permanece afastada temporalmente da súa profesión como física nuclear. Para explicar esta elección contoulles aos rapaces que fai anos estivo a piques de vivir una catástrofe aérea como pasaxeira. O feito de ver a morte tan cerca fíxoa reflexionar sobre a necesidade de perseguir e alcanzar os seus soños: ter fillos e adicarse a escribir. E así foi como hoxe podemos disfrutar das súas obras, merecedoras de moitos premios: Premio Anaya de literatura infantil e xuvenil pola súa novela “Alma y la isla`”; premio de Literatura infantil Ciudad de Málaga pola obra titulada “La bicicleta de Selva”; premio Ala Delta pola novela “Diente de León”, entre outros.

O remate da charla, Mónica Rodríguez firmou e adicou os libros a aqueles alumnos que se achegaron a ela. Todos coincidían en sinalar a cercanía da autora, que conseguiu mantelos absortos coas súas palabras durante a hora que durou o encontro.

O pase de diapositivas require JavaScript.

 

 

Advertisement

Día da Poesía: Adiviña de que poema falamos (V)

Pistas dos poemas do día 17 de marzo de 2017

Primer nivel (1º, 2º, 3º de ESO)

a. O autor nace na desembocadura do río Anllóns.
b. Este ano, no mes de marzo, cúmprese o centenario do pasamento deste escritor.
c. O titulo do poema alude a un famoso monumento megalítico de Cabana de Bergantiños.

Segundo nivel (4º de ESO, 1º e 2º de BAC)
Poema galego

a. O autor, de cativo, ía a cabalo a Nemiña para estudar latín cun crego.
b. Na Coruña, asistía a un faladoiro literario nunha libraría da rúa Real, que presidía un coñecido historiador.
c. No poema, o autor compara un famoso monumento bergantiñán cun monstro feminino da mitoloxía grega que tiña rostro de muller, peito, patas e rabo de león e alas de ave.

Segundo nivel.
Poema en castelán

a. Poeta chileno que tiña como verdadeiro nome Neftalí.
b. Neste libro ama “desesperadamente”.
c. O 20 é o que estamos a preguntar.

Día da Poesía: Adiviña de que poema falamos (IV)

Pistas dos poemas do día 16 de marzo de 2017

Primer nivel (1º, 2º, 3º de ESO)

a. O autor do poema ten unha estatua nos xardíns de Méndez Núñez.
b. O poema leva o nome dunha famosa escritora.
c. A protagonista foi a primeira escritora en ingresar no Panteón de Galegos Ilustres.

Segundo nivel (4º de ESO, 1º e 2º de BAC)
Poema galego

a. Este poeta galego viviu uns vinte anos nun país de Sudamérica con moita guerrilla e narcotráfico.
b. Rexentou unha famosa taberna nunha vila das Rías Baixas fundada, segundo a lenda, por Noé.
c. O título do poema alude a Irmandade que dirixiu Roi Xordo.

Segundo nivel.
Poema en castelán

a. Este poeta non amou a ningunha muller pero escribiu os máis extraordinarios sonetos amorosos.
b. Naceu en 1580 en Madrid
c. Neste poema está soñando cunha muller e non desexa espertar.

Día da Poesía: Adiviña de que poema falamos (III)

Pistas dos poemas do día 15 de marzo de 2017

Primer nivel (1º, 2º, 3º de ESO)

a. Este famoso poeta foi mindoniense.
b. O poema foi musicado por Amancio Prada.
c. Neste poema aparece unha ave que pertence á familia das colúmbidas.

Segundo nivel (4º de ESO, 1º e 2º de BAC)
Poema galego

a. O autor escribiu unha biografía do poeta do Rexurdimeto da súa vila.
b. O título do primeiro poema e do libro alude á prisión no convento da vila natal.
c. A protagonista do poema foi unha vella canguesa condenada no século XVII pola Inquisición, acusada de bruxería.

Segundo nivel.
Poema en castelán

a. Este poeta morreu sendo moi novo e non por causas naturais.
b. Pertencía a unha xeración de poetas moi famosa do século XX.
c. Neste poema de estrofa popular, un satélite da Terra vai vestido con roupas de muller e avisa dunha morte.

Día da Poesía: Adiviña de que poema falamos (II)

Pistas dos poemas do día 14 de marzo de 2017

Primer nivel (1º, 2º, 3º de ESO)

a. O autor deste poema naceu nunha vila de Ourense pero está enterrado no cemiterio de S. Amaro e un colexio da cidade leva o seu nome.
b. O poema fai referencia a unha festa popular galega.
c. Nesta festa os nenos celebran a entrada da primavera.

Segundo nivel (4º de ESO, 1º e 2º de BAC)
Poema galego

a. Este poeta naceu na Coruña en 1954 e aínda deu clase no curso 2016-2017.
b. Gustáballe moito disfrazarse no Entroido.
c. O poema, que aparece nunha sección do libro que convida ao carpe diem, alude ao faladoiro ao aire libre onde se adoita tomar unha bebida estimulante.

Segundo nivel.
Poema en castelán

a. Este poeta sufriu unha grave depresión sendo moi novo.
b. Cometía, nos seus escritos, erros ortográficos. Era un sinal da súa identidade.
c. Neste poema a brisa fresca entra preguntando pola súa alma. Pero el non voltará…

Día da Poesía: Adiviña de que poema falamos (I)

Pistas dos poemas do día 13 de marzo de 2017

Primer nivel (1º, 2º, 3º de ESO)

a. A publicación dunha obra desta poeta está relacionada cunha celebración da nosa terra.
b. O poema fai alusión á emigración a América.
c. O protagonista deste poema despídese dos seus eidos e, ao final, da súa muller.

Segundo nivel (4º de ESO, 1º e 2º de BAC)
Poema galego

a. A autora deu clase de Literatura nos primeiros anos do IES Monelos.
b. O poemario que contén a composición é homónimo dun texto roubado na catedral de Santiago hai seis anos.
c. O poema alude a unha famosísima actriz nacida en Viena que morreu traxicamente en París, en 1982.

Segundo nivel.
Poema castelán

a. O autor é un poeta sevillano que morreu no exilio.
b. Neste poema cítase un río famoso.
c. No mes de xullo o poeta contempla esta paisaxe pola que vai camiñando “baixo un sol de fogo”.