A Biblioteca do IES Monelos invítavos neste Nadal a adoptar un libro que busca titor. Estás disposto a inicar a aventura?
Arquivo por meses: Decembro 2022
Visita do alumnado de 2º de ESO á Residencia Torrente Ballester
O pasado día 19 de decembro, o alumnado de 2º de ESO do noso instituto acudiu á Residencia de Maiores Torrente Ballester para ler aos residentes textos poéticos de Rosalía de Castro e, en prosa, de Xosé Neira Vilas e Castelao. Acompañaron aos rapaces a coordinadora da biblioteca do IES Monelos, que organizou a visita xunto con Alicia Pérez, bibliotecaria da Biblioteca Municipal do Castrillón. A lectura foi seguida de música a cargo de tres intérpretes que acudiron con Alicia Pérez.
Ao remate, os alumnos entregaron aos maiores postais de Nadal elaboradas por todos os grupos de 2º de ESO. Quixemos levar un anaquiño de ilusións aos nosos avós e avoas nestas datas tan especiais. A experiencia foi marabillosa e inesquecible. Os rapaces falaron cos residentes e fixéronse fotos con eles.
Biblioteca IES Monelos 