Celebración do Día do Libro no IES Monelos

Este día tan especial para todos o IES Monelos quixo dar a coñecer a alumnos e profesores a colección de libros Delicatessen cedidos amablemente pola Biblioteca do Castrillón. Son verdadeiras xoias de cores e debuxos increíbles, cunha presentación coidadísima que nos seduce pola vista, polas historias que narran e as mensaxes que gardan no seu interior. Os alumnos achegáronse a eles atraídos pola súa beleza e disfrutaron dunha oferta variadísima para todas as idades.

Ao final da mañá, un grupo de alumnas do Club de lectura de 4º de ESO representaron, para os alumnos de 2º de ESO, teatro lido, en concreto dúas pezas breves tituladas: La consulta e El epitafio. Son obras humorísticas e os máis novos riron e escoitaron con moita atención a interpretación. Levamos xa un tempo fomentando  este xénero que nos parece moi importante para favorecer a socialización, a lectura interpretativa e para achegar a literatura aos alumnos dun xeito lúdico. A lectura dramatizada fíxose na aula.

Asimesmo, en 2º de Bacharelato proxectouse un power point adicado a Cervantes e a súa obra para conmemorar esta data tan sinalada.

This slideshow requires JavaScript.

Advertisements

Celebración do Día da Poesía no IES Monelos

O 21 de marzo celebramos o Día da Poesía cun recital de poemas en galego e castelán dos alumnos de 3º de ESO do Club de lectura para os alumnos de 1º de ESO. O recital ía acompañado de música a piano e guitarra interpretada por dous rapaces de 3º de ESO. Quixemos así introducir aos máis novos no mundo da lírica para que no futuro máis inmediato aprendan a amar este xénero e conectala coa música xa que estas disciplinas artísticas están íntimamente ligadas.

This slideshow requires JavaScript.